Hestamannafélagið Hornfirðingur

Aðalfundur HestamannafélagsinsHornfirðings

Haldinn að Stekkhól, kl. 20:00, miðvikudaginn25. janúar 2012.

Á fundinn mættu ca. 30 manns.

1.    Formaður Bryndís Hólmarsdóttir setti aðalfund Hornfirðings og bauð fundarmenn velkomna, sérstaklega bauð hún bæjarfulltrúa frá sveitarfélaginu velkomna til fundar.  Hún gerði tillögu um að Haukur Sveinbjörnssonyrði fundarstjóri og Pálmi Guðmundsson fundarritari.  Fundarstjóri tók til starfa og bauðfundarmenn velkomna og óskaði þess að fundurinn gæti verið málefnalegur og  ganglegur fyrir hestamannafélagið. Fundarstjóri fór yfir dagskrá fundarins oggekk síðan til dagskrár.

2.    Fundarstjóri spurði  um hvort það væri einverjir nýjir félagar tilað ganga í félagið á fundinum en svo var ekki.

3.    Skýrsla stjórnar,  Bryndís Hólmarsdóttir formaður sagði að þegar litið væri yfir árið, virtist ekki mikið hafa gerst en þegar nánar væri skoðað kemur í ljós að ýmislegt hefur áunnist. Þá kom fram í máli hennar að síðasta ár var fremur rólegt miðað við mjög annasamt ár 2010 þegar sjálfboðavinna við reiðhöll fór fram úr öllu meðalhófi og ekki skrítið að þeir félagsmenn sem  gáfu vinnu  hefðu farið sér hægar á síðasta ári. Hún gerði grein fyrir girðingarvinnu þar sem verið var að endurnýja og bæta girðingar milli lands hestamannafélagsins og annara landeigenda.Venni  stjórnaði þeim framkvæmdum eins og herforingi og verkinu er að mestu lokið, en það á eftir að setja hlið út við Laxá og girða nokkurn spotta niður við hesthúsahverfi. Markmiðið hlýtur að vera að gera svæðið alveg fjárlaust enda er það ekki ætlað til beitar  hvorki fyrir hesta né kindur.  Vinna hélt áfram við reiðhöll, unnið var í rafmagni með Bjarna Jakobssyni sem tók það verk að sér með hjálp félagsmanna.  Eftir er að setja upp og tengja rafmagnstöflu ofl.  Bryndís sagði að af og til heyrðust raddir sem benda á það að það sé ekkert félag sem hafi verið svona lengi að byggja reiðhöll, það er rétt það hefur tekið talsverðan tíma að koma byggingunni upp en stjórn félagsins hefur ekki viljað stofna til langtímaskulda vegna framkvæmdanna og félagið er skuldlaust sem er líklega einsdæmi  með reiðhallir hjá hestamannafélögum í landinu. Formaður sagði frá undirritun auglýsingasamningsvið Sparisjóð Hornafjarðar og hann er til 10 ára, félagið skuldbindur sig tilað hafa auglýsingaskilti á keppnisvelli og í reiðhöll, einnig mun félagið halda sérstakt Sparisjóðsmót á hverju ári á samningstímanum.  Á móti felldi Sparisjóðurinn niður vexti að upphæð  3 milljónir króna vegna reikningsláns sem var tekið á meðan beðið var eftir fokheldi reiðhallarinnar  og styrknum frálandbúnaðarráðuneytinu að upphæð kr. 15 milljónir. Á árinu var haldin

  firmakeppni sem gekk vel og safnaðist talsvert af peningum og júní varfélagsmótið haldið, fyrir félagsmót voru dómpallur og dómhús máluð og snyrt,völlur slegin og snyrtur af Olgeir og félögum. Bryndís sagði frá þeirri nýbreyttni á félagsmóti  að seldir voru happadrættismiðar og vour það Olgeir, Pálmi og Ómar Antons sem gáfu aðalvinningana, einnig voru fjöldi annara vinninga sem að félagsmenn og ýmsir aðrir gáfu. Ómar Ingi tók að sér að segja börnum og unglingum til með hesta sína fyrir félagsmót.  Bryndís sagði að útreiðarnefnd hafi staðið sig með sóma og skipulag margar ferðir þótt að veðrið hafi strítt nefndinnitalsvert.  Bryndís sagði frá formannafundi LH sem haldinn var í nóvember og þar var rætt um fjórðungsmót semað öllu eðlilegu átti að vera hér í fyrra en þar sem að landsmóti ð var fært þáféll það um sjálft sig. Árið 2013 verður fjórðungsmót á Vesturlandi og jafnvelverða tvö fjórðungsmót haldin það árið, ef við höldum mót á Austurlandi.  Ákveðið var á formannafundinum að stofna nefnd þar sem félögin á Vesturlandi og Austurlandi tilnefni einn frá hverjufélagi í nefndina. Að svo mæltu lauk hún máli sínu.

Nokkrar fyrirspurnir komu til formanns, Beggi spurðist fyrir um veginn niður af hesthúsum og  Olgeir spurði hvort menn ætluðu að halda Fjórðungsmót. Bryndís sagðist ekki vita hvernigmálefni vegarins niður að hesthúsum stæði, varðandi fjórðungsmótið þá taldi húnað nefndin þyrfti að koma saman og ræða fjórðungsmótin og hvernig væri best að standa að þeim í framtíðinni.  Sæmundurspurði einnig um veginn hann vildi vita hvort þetta ætti að vera lengi svonaþetta væri slysagildra. Bryndís svaraði og sagði að ástandið væri ekki boðlegen taldi sveitarfélagið væri í viðræðum við landeigendur á Fornustekkum ummálið og hugsanlega gætu bæjarfulltrúar gefið nánari upplýsingar um máliðseinna á fundinum.  Brynja spurðist fyrirum fjórðungsmót og hvort aðilar væru jákvæðir fyrir því að halda mótið. Pálmi svaraði og sagðist hafa verið tilnefndur í þessa nefnd en nefndin hefði ekki enn komið saman. Hann sagði frá því að fulltrúar Hornfirðings hefðu komið fram athugasemdum við landsmótsnefndina þegar hún kom til fundar hér fyrir austan,um að ekki hefði verið haft neitt samband við hestamannafélögin á Austurlandiþegar ákveðið var að fresta landsmóti um eitt ár sem síðan varð til þess aðekki voru lengur forsendur fyrir því að halda fjórðungsmót á sama ári. Á fundinum með Landsmótsnefndinn í Stekkhól bað formaður LH afsökunar á því að ekki varhaft neitt samráð við hestamannafélögin á Austurlandi varðandi frestun á landsmóti og sagðist vilja taka málið upp á næsta formannafundi sem varð tilþess að þessi nefnd var sett á laggirnar. Pálmi sagði að það þyrfti að fara fram umræða um hvernig ætti að standa að fjórðungsmótum í framtíðinni, hann nefndi að félögin á Austurlandi buðu eyfirðingum að taka þátt í síðasta móti ogvið þyrftum að ræða um hvort við bjóðum þeim áfram og eða hvort við bjóðumsunnlendingum að koma á fjórðungsmót í Hornafirði til að styrkja móti.  Eins þarf að velta fyrir sér hverskonar mót áað halda, hvort það á að vera lítið mót fyrir þetta svæði sem við erum á eðastækka mótið og tengjast stærra svæði til að vera með stærra mót.  Hann sagði nauðsynlegt að ræða hvernigfélagsmenn vilja sjá fjórðungsmótin þróast í framtíðinni, viljum við halda þauí sama formi og áður, eða verðum við að aðlaga okkur að breyttum aðstæðum og fáfleiri til samstarfs.

Fundarstjóri  þakkaði fyrir skýrslu stjórnar ogfyrirspurnir sem komu fram.

4.    Reikningar félagsins, ÞorbjörgGunnarsdóttir gjaldkeri fór yfir reikninga félagsins og las upp helstu tölur ogstærðir vegna síðasta rekstrarárs. Í máli hennar kom m.a. fram að greiddfélagsgjöld voru kr. 534 þús. tekjur af félagsmóti og happadrættissölu voru kr.393 þús. Tekjur af Lóttó voru kr. 181 þús. Styrkir í firmakeppninni kr. 394þús. og vaxtatekjur 25 þús. Rekstrartekjur alls voru kr. 1.528 þús.Rekstrargjöld skiptust þannig, árgjald til LH kr. 155 þús. almennurrekstarkostnaður kr. 609 þús. rekstur húss og vallar kr. 415 þús. og vaxtagjöldkr. 939 þús. Rekstrargjöld alls voru kr. 2.117 þús. og tap ársins því kr. 589þús.  Þorbjörg benti á að á móti skuldumf élagsins hjá Sparisjóði sem væri um 9 millj. kæmi styrkur frásveitarfélaginu.  Fundarstjóri gaf orðiðlaust um reikninga félagsins. Nokkrar fyrirspurnir komu um reikningana, Kristínspurði um Lóttó peninga, hvort þeir væru ekki ætlaðir til æskulýðsstarfs. Þorbjörg svaraði því til, að svo væri ekki, þeir væru ekki sérstaklega eyrna merkti ræskulýðsstarfi.

Reikningarnir voru bornir upp og samþykktir.

5.     Tillaga um óbreytt árgjald en það var hækkað á síðasta ár. Ákveðið varað félagsgjald yrði óbreytt frá fyrra ári eða kr. 8.000,- og viðbótargjald fyrir maka kr. 5.000 og sama gjaldfyrir 16 ára og eldri. 

6.     Skýrslur nefnda. Pálmi gerði grein fyrir starfi mótanefndar, einungistókst að halda eitt mót, firmakeppni í samstarfi við firmanefnd, fyrir utanúrtöku- og félagsmót.  Guðbergur sagðifrá starfi útreiðarnefndar en farið var í páskaútreið á Föstudaginn langa ogSkógeyjarútreið og það gekk mjög vel. Venni sagði frá störfum vallar oggirðinganefndar, gert var átak í að endurnýja girðingar hestamannafélagsins ogþvi að mestu lokið. Olgeir og félagar tóku að sér að snyrta völlinn, máladómshús ofl. fyrir félagsmótið.

7.     Lagabreytingar voru engar fyrirliggjandi.

8.     Kosningar, formaður félagsins Bryndís Hólmarsdóttir hafði lokiðkjörtíma sínum og lýsti sig reiðubúna að gefa kost á sér áfram til eins árs.Bryndís var sjálfkjörin sem formaður til eins árs, Pálmi Guðmundsson hafðilokið kjörtíma sínum, hann var einnig reiðubúin að gefa kost á sér áfram ogekki komu fram aðrar tillögur og var hann því sjálfkjörinn í stjórn til næstutveggja ára. Á sama hátt var Venni búinn með kjörtíma sinn sem meðstjórnandi,hann gaf ekki kost á sér,  og þá komutilnefningar um Kristínu Guðmundsdóttur  og Pál Guðmundsson og kosið var á milli þeirra.Páll var kjörinn með 16 atkvæðum, Kristín fékk 5 atkvæði. Tilnefning kom um tvovaramenn Hörpu og Kristínu og voru þær sjálfkjörnar þar sem ekki komu framaðrar tillögur.

Fulltrúarsveitarstjórnar voru mættir á fundinn og Reynir Arnarson bæjarfulltrúi tók tilmáls og þakkaði fyrir að bæjarstjórnarmönnum var boðið til aðalfundarhestamannafélagsins, auk Reynis mættu, Ásgrímur Ingólfsson, ÁsgerðurGylfadóttir og Björn Ingi Jónsson.

Reynirtók fyrir bókun bæjarráðs, varðandi málefni reiðhallarinnar og sagðist viljabyrja á því að segja að það væri mikill velvilji í garð hestamanna og uppbyggingureiðhallarinnar. Hann fór yfir forsögu málsins, allt frá því að sveitarfélagiðlofaði að leggja fram kr. 16 millj. í þeim tilgangi að hér geti risiðreiðhölll, það gerist í október 2005. Í maí 2007 fékk hestamanna-félagiðvilyrði fyrir kr. 15 millj. styrk frá landbúnaðarráðuneytinu og þá fóru menn afstað bjartsýnir. Síðan koma forsvarsmenn hestamannafélgsins í ágúst 2009 tilfundar við bæjarstjóra og gerðu grein fyrir því að það þurfi kr. 25 millj. tilað gera húsið fokhelt og fá þar með styrkinn frá ríkinu, en skilyrði fyrirgreiðslu var að húsið væri með fokheldisvottorð. Bæjarráð samþykkti að leggja íþessa framkvæmd með hestamannafélaginu og þegar upp var staðið hafðisveitarfélagið lagt tæpar 30 milljónir eftir 2009 og okkur reiknast til að þaðkosti um 6,4 milljónir til þess að klára húsið til að byrja að geta notað það.Því næst las Reynir upp bókun bæjarráðs þar sem m.a. kom fram að sveitarfélagiðsé búið að leggja hátt í 50 milljónir á núvirði í framkvæmdina. Jafnframt varfarið yfir kostnaðaráætlun frá Verkfræðiþjónustinni og skuld hestamannafélaginsvið Sparisjóðinn. Niðustaða bæjarráðs var sú að leggja peninga í reiðhöllinatil að gera hana nothæfa og greiða upp skuldina við Sparisjóðinn. Miðað værivið að félagsmenn leggðu fram vinnu á móti útlögðum kostnaði sveitarfélagins,eins og fyrirkomulagið var síðast, Reynir sagði að það skipti miklu máli aðvilji hestamanna til að vinna við að ljúka framkvæmdum við höllina. Hannhrósaði hestamönnum fyrir það sem þeir gerðu í síðasta átaki við að gerareiðhöllina fokhelda, það hefði verið vel að verki staðið og ekki víst að öllfélög hefðu skilað því með þeim hætti sem var gert þá. Hugmynd sveitarfélagsinser að hestamannafélagið komi að þessu áfram með vinnuframlagi. Sveitarfélagiðgerir skilyrði um eignarhald á reiðhöllinni ef til nýrrar fjárveitingar kæmienda nauðsynlegt að eitthvað komi á móti svo háu framlagi sveitarfélagsins tilreiðhallarinnar. Reynir kynnti einnig fjárhagsáætlun frá Verkfræðistofunni semer skipt upp í nokkra áfanga/forgansröðun með sundurliðun á vinnu- ogefniskostnaði. Sveitarfélagið mun gera kröfu um að eignast reiðhöllina,hestamannafélagið heldur hesthúsinu og sveitarfélagið leggur fram allt að 6,4millj. í reiðhöllina til að hægt verði að taka hana í notkun. Reynir sagði frásamkomulagi sveitarfélagsins um makaskipti á landi við Fornustekka,sveitarfélagið eignast landið undir veginn og vegin sjálfan niður íhesthúsahverfi, á móti eignast Fornustekkar skika úr landiAusturhóls/sveitarfélagsins út í Skógey. Einnig kom fram að búið er að bjóða útvinnu við fráveitu þannig að hún uppfylli kröfur um um slíka framkvæmd varðandihollustu og framkvæmd. Að lokum fór Reynir yfir drög af samningi viðhestamannafélagið varðandi eignarhald á reiðhöllinni og nokkrar spurningar komufrá fundarmönnum út í textann.

Pálmi hvaddi sér hljóðs og sagði að búið væri að ræða ýmsar útfærslu í samningummilli sveitarfélagsins og hestamannafélagsins um rekstur  reiðhallarinnar, reynslan af samstarfiþessara aðila í að gera húsið fokhelt gekk mjög vel. Samningurinn eins og hannliggur fyrir á fundinum er lagður fram af sveitarfélaginu til kynningar,stjórnin hefur lítið farið yfir hann ennþá og ekki tekið afstöðu til hans. Þaðsem er mjög jákvætt í bókun bæjarráðs er að nú sé sveitarfélagið tilbúið aðsetja meiri fjármuni í reiðhöllina, en hestamannafélagið hafði gert ráð fyrirað þurfa að nýta sér möguleika á að innskatta framkvæmdakostnaðinn við reiðhöllinatil að hægt væri að fjármagna kostnað við lokaframkvæmdir. Fulltrúumsveitarfélagsins fannst mikil skuldbinding felast í þessu fyrir hestamannafélagiðog stjórnin taldi engar forsendur fyrir lántöku til að ljúka framkvæmdum ogþess vegna var óskað eftir viðbótarframlagi frá sveitarfélaginu. Nú hefursveitarfélagið ákveðið að koma að málum með afgerandi hætti. Nú liggur fyrir áfangaskiptfjárhagsáætlun yfir það sem á eftir að gera og ef samningar takast getahestamenn einbeitt sér að því að byggja upp innra starf hestamannafélagsins enekki verið með áhyggjur af rekstri fasteignarinnar. Hann sagði að mat ávinnuframlagi hestamanna við reiðhöllina væri milli 6,5 -7,5 millj. það værimesta fjáröflun sem félagið hefði komið nálægt. Hann sagði að framkvæmdin viðreiðhöllina hefði tekið lengri tíma en stefnt að var stefnt en mikilvægt sé aðljúka þessu án þess að stofna til skulda. Samkvæmt bókun bæjarráðs liggur fyrir samþykkt fyrir því að til aðleggja til fjármuni á þessu ári samtals kr. 6,4 millj. til að hægt sé að takareiðhöllina í notkun. Til að svara fyrirspurn úr sal varðandi hugsanlega leiguá reiðhöllinni undir geymslu fyrir mjöl sagði hann rétt að fyrirspurn hefðikomið frá Fiskimjölsverksmiðjunni og fulltrúar þeirra hefðu skoðað aðstæður enekkert væri ákveðið í þeim efnum. Þarna væri hugsanlega  tækifæri til að afla fjármuna en nú værikomin upp ný staða með tilkomu þessa samnings frá sveitarfélaginu. Hann sagðiað víða um land væru hestamannafélög að leita til sveitarfélaga varðandi aðstoðvið uppbyggingu reiðhalla og oft gengi það ekki nógu vel vegna þess að sveitarfélöginstanda misvel, en hér í Hornafirði værum við svo heppin að sveitarélagið stæðivel og sýndi málefnum reiðhallarinnar skilning. Hér væri um tímamótasamning aðræða og hestamenn munu væntanlega sitja við sama borð og annað íþróttafólk ísveitarfélaginu er varðar aðgang að íþróttahúsi eða reiðhöll. Nú liggur fyrirað stjórn félagsins þarf að fara yfir texta samkomulagsins og koma með þærábendingar og viðbætur sem þarf og síðan verður málið kynnt á ný fyrirfélagsmönnum áður en til undirskriftar kemur.

Fundarstjórisagði að fundurinn þyrfti að kjósa fulltrúa á Landsþing LH og Ingólfur Vopnihefur verið fulltrúi félagsins undanfarin ár og fundurinn samþykkti meðlófaklappi að hann héldi því áfram. Reynir Arnarson þakkaði fyrir fundinn fyrir hönd bæjarfulltrúa og óskaðifélaginu velfarnaðar. Bryndís formaður þakkaði Reyni og öðrum bæjarráðsmönnumfyrir komuna og góða kynningu á samningnum.  

9.     Nokkur umræða var um störf nefnda og einstaklinga sem væru  tilbúnir að gefa kost á sér til að vinna ínefndum.  Ákveðið var að fela stjórn aðgera tillögur um mönnun á nefndum og eins gætu félagsmenn sem hefðu áhuga aðleggja sitt af mörkum í starfi nefnda verið í sambandi við stjórnarmenn ogboðið fram krafta sína.

10.  Önnur mál. Óformlegar umræður voru milli fundarmanna um starfsemina íreiðhöllinni, ýmsar reglur og reynslu annara með reiðhallir og ábyrgð ogskyldur sveitarfélagsins sem eigenda hússins og hestamannafélagsins sem aðalnotandahússins. Veltu menn fyrir sér hvort hestamannafélagið þyrfti að greiða leigufyrir afnot félagsmanna af reiðhöllinni og hvernig færi með tekjuöflunhestamannafélagsins vegna auglýsingaskilta og sölu aðgangseyris ofl. Þá varrætt um verðlagningu á reiðhallarkortum, umgengnisreglur og aðgangslyklaofl.  Samantekið þá voru menn vorualmennt jákvæðir gagnvart samningum við sveitarfélagið og aðrar leiðir varla ísjónmáli. Menn töldu mikilvægt að hafa einhvern ramma af rekstrarsamningi áðuren hestamannafélagið afsalaði sér eign sinni í reiðhöllinni með undirskrift.

Pálmifór ítarlega yfir reiðhallarmálið aðdragandann, átakið með sveitarfélaginu aðgera reiðhöllina fokhelda, viðræður við forsvarsmenn sveitarfélagsins um ýmsarleiðir varðandi eignarhald og rekstur. Hann gerði grein fyrir vinnu viðrekstraráætlanir og ýmsar tölulegar staðreyndir varðandi reiðhöllina. Einnigsvaraði hann fyrir takmarkað upplýsingastreymi frá stjórn á meðan óvissa ríkti umfjármögnun lokaframkvæmda við reiðhöll og niðurstöður fengjust í samningjum viðsveitarfélagið. Hann sagði að stjórnarmenn hefðu ekki viljað neina lántökufyrir reiðhöllina því reksturinn myndi ekki bera neinar skuldir. Pálmi sagði aðvæntanlegur samningur við sveitarfélagið væri tímamótasamningur, með honumaxlar sveitarfélagið ábyrgð á fjárfestingunni í reiðhöllinni og hestamenn getaeinbeitt sér að innra starfi félagsins. Með þessu fyrirkomulagi munum við sitjavið sama borð og aðrar íþróttagreinar hjá sveitarfélaginu. Hann sagði margthefði verið erfitt í þessu langa ferli en skemmtilegast tíminn hefði verið þegafélagar í hestamannafélaginu unnu sjálfboðavinnu við að gera reiðhöllinafokhelda, krafturinn og andinn var ótrúlegur og sýndi hvað hægt er að gera efmenn vinna saman. Hann sagðist hafa miklar áhyggjur af fækkun þeirra sem stundahestamennsku og mjög fáir að byrja í hestamennsku. Hestamenn binda miklar vonirvið að reiðhöllin snúi þessari þróun við og félagsmenn standi  saman í að snúa þessari þróun við og efla ogstyrkja innra starf félagsins.

Nokkurumræða var áfram upplýsingaflæði milli stjórnar og félagsmanna félagslega ábyrgð,og mikilvægi þess að efla félagsandann á ný eftir nokkura lægð sem hefur ríktundanfarið. Ýmsar hugmyndir komu fram og félagsmenn voru hvattir til að bjóðasig fram til starfa og eins og einn góður sagði "það er markvissast að hvervirki sjálfan sig".

Nokkrarumræður urðu um ýmis önnur málefni hestamannafélagsins eins og girðingarmál, vallarmál,veginn niður að hesthúsum ofl.

Fleiravar ekki gert, fundarstjóri þakkað fundarmönnum fyrir málefnalegan og góðanaðalfund,  hann bað fundarmenn um að samþykkjaað fundarritara og fundarstjóra yrði falið að ljúka við fundargerð og undirritahana og birta síðan á heimasíðu félagsins. Að lokum gaf hann Bryndísi formanni orðið og hún tók undir þakkirfundarstjóra um góðan og málefnalegan aðalfund. Hún hvatti félagsmenn til starfa vel fyrir félagið á komandi starfsári ogsagði fundi slitið.

Pálmi Guðmundssonfundarritari                                                 HaukurSveinbjörnsson fundarstjóri

Aðalfundur Hestamannafélagsins Hornfirðings

Haldinn að Stekkhól, kl. 20:30, þriðjudaginn 18. janúar 2011.

Á fundinn mættu  11 manns.

1.                  Formaður Bryndís Hólmarsdóttir sett aðalfund Hornfirðings og gerði tillögu um að Haukur Sveinbjörnsson yrði fundarstjóri og Pálmi Guðmundsson fundarritari.  Fundarstjóri tók til starfa og bauð fundarmenn velkomna og óskaði þess að fundurinn yrði málefnalegur og gagnlegur fyrir hestamannafélagið. Fundarstjóri fór yfir dagskrá fundarins og gekk síðan til dagskrár.

2.                  Fundarstjóri spurði  um hvort það væri einverjir nýjir félagar til að ganga í félagið á fundinum en svo var ekki.

3.                  Skýrsla stjórnar,  Bryndís Hólmarsdóttir formaður stjórnar fór yfir starfsemina á síðasta ári og sagði það hafa verið viðburðarríkt og framkvæmdir við reiðhöll stæði þar klárlega upp úr.  Stjórn fundaði  nokkuð oft á árinu enda nóg að gera varðandi reiðhöllina. Hún sagði að lítið hafi verið um mótahald á liðnu starfsári vegna hestapestarinnar sem stakk sér niður í Hornafirði líkt og annarsstaðar. Aðeins tókst að halda eitt mót og var það haldið á Óslandstjörn í febrúar. Farið var í páskaútreið og völlurinn sleginn og hirtur. Nefndir störfuðu lítið sem ekkert, nema girðingarnefnd byrjaði að endurnýja girðingar í kringum félagssvæðið enda var það fyrir löngu tímabært. Í apríl fóru fyrrverandi og núverandi formenn félagsins í dómsal varðandi mál 37 ehf. gegn hestamannafélaginu og í maí kom úrskurður um að hestamannafélagið Hornfirðingur var sýknað af öllum kröfum verktaka og 37 ehf. var dæmt til að greiða hestamannafélginu kr. 500.000,- upp í málskostnað sem ekki hefur tekist að innheimta. Þá kom fram í máli formanns að samkomulag náðist við Sparisjóðinn um uppgjör skulda og felldi sparisjóðurinn niður dráttarvexti á yfirdráttarreikningi félagsins en veruleg seinkun var á verkinu vegna ágreinings við verktaka. Á sama tíma var gengið frá auglýsinga-samningi við Sparisjóðinn og verða sett upp auglýsingaskilti í reiðhöll og á vallarsvæðið.  Á síðasta aðalfundi félagsins var skrifað undir samning við sveitarfélagið um að ljúka við fokheldi reiðhallar og hesthúss og ná út styrk frá landbúnaðarráðuneytinu. Vinna hófst í framhaldinu og keyrt var efni í sökkulinn og í kringum höllina og var sú vinna að mestu leiti unnin af hestamönnum í sjálfboðavinnu. Í febrúar fór af stað vinna við stálgrind reiðhallar og hesthúss en það var félag í eigu Foss ehf. og Vélsmiðju Hornafjarðar ehf. sem sá um það verk, en áður hafði verkið verið boðið út af sveitarfélaginu. Af því verki loknu komu hestamenn og háþrýstiþvoðu stálgrindina og máluðu alla fleti sem snéru að klæðningunni. Einnig var grafið fyrir vatnslögn og rafmagni frá Stekkhól yfir í reiðhöll. Eftir miðjan mars hófst svo vinna félagsins fyrir alvöru. Sveitarfélagið réði Aðalstein Gíslason  sem smið að verkinu og með honum var Halldór Einarsson. Sett var upp vinnuplan sem sýndi hvað hestamannafélagið áttu að leggja til marga vinnumenn á hverjum tíma og stjórnin smalaði saman mannskap til að koma og vinna fyrir félagið. Næstu tvo mánuði var mikið unnið og Stekkhól var breytt í mötuneyti á meðan "því ekki dugar að biðja fólk um að koma og vinna svona mikið og gefa því ekki að borða" sagði formaðurinn. Félagsmenn, einstaklingar og fyrirtæki á svæðinu gáfu allt hráefni í matinn. Þessari vinnu  laum um miðjan júní og var þá eftir að setja gler  og opnanleg fög í hesthúsið, því er nú lokið. Vinna við rafmagn hófst í haust en er ekki lokið, hurðir eru að verða tilbúnar og fljótlega verður hægt að loka húsinu.  Í máli formanns  kom fram að 65 manns unnu við framkvæmdirnar á vegum félagsins. Hver skilaði, allt frá 4 klst. upp í 160 klst.  eða samtals 2.100 klst. sem eru um 32 klst. að meðaltali á mann. Þetta eru ekki lokatölur, því eftir er að bæta við vinnu við gler, smíði tækjaherbergis, hurða, rafmagns ofl.  Sjálfboðaliðar komu víða að m.a. úr Kópavogi, Öræfum, Mýrum, Axarfirði og Hvalfjarðarsveit.  Formaður sagði, "við félagsmenn getum verið stolt af allri þeirri vinnu sem lögð hefur verið í höllina og held ég að í fáum félögum hafi verið lögð fram svona mikil sjálfboðavinna í eitt verk. Það er eitthvað sem önnur félög hér á svæðinu gætu tekið sér til fyrirmyndar." Hún sagði að framundan væri að ljúka við reiðhöllina og rekstrarsamning um húsnæðið, setja niður mótadagskrá ofl. "Munið að margar hendur vinna létt verk" sagði formaður og lauk máli sínu. Fundarstjóri  þakkaði Bryndísi fyrir skýrslu stjórnar og gaf orðið laust og nokkrar fyrirspurnir komu og var þeim svarað jafnóðum.

4.                  Reikningar félagsins, Þorbjörg Gunnarsdóttir gjaldkeri fór yfir reikninga félagsins og las upp helstu tölur og stærðir vegna síðasta rekstrarárs. Fundarstjóri gaf orðið laust um reikninga félagsins. Nokkrar fyrirspurnir komu um framlag sveitarfélagsins til reiðhallarbyggingar og var því svarað jafnóðum af stjórnarmönnum. Reikningarnir voru bornir upp og samþykktir.

5.                  Eftir nokkrar umræður um árgjald hjá félaginu var borin fram tillaga um hækkun félagsgjalds í kr. 8.000,- og viðbótargjald fyrir maka kr. 5.000 og sama gjald kr. 5.000 fyrir 16 - 19 ára. Páll Guðmundsson  kom með fyrirspurn um aðgang að reiðhöll, hvort greitt yrði sérstaklega fyrir það eða hvort það ætti að vera innifalið í árgjaldi félagsins. Formaður svaraði því til að sérstakt gjald verði fyrir notkun á reiðhöll.

6.                  Skýrslur nefnda. Pálmi gerði grein fyrir starfsemi uppákomunefndar, einungis tókst að halda eitt vetrarmót á Óslandstjörn í byrjun febrúar, eftir það fór hestapestin að gera vart við sig og allt mótahald var fellt niður af þeim sökum. Guðbergur sagði frá starfi útreiðarnefndar en farið var í páskaútreið á Föstudaginn langa og heldur færri tóku þátt vegna veðurs og pestar.

7.                  Lagabreytingar voru engar fyrirliggjandi.

8.                  Kosningar, formaður félagsins Bryndís Hólmarsdóttir hafði lokið kjörtíma sínum og lýsti sig reiðubúna að gefa kost á sér áfram til eins árs. Bryndís var sjálfkjörin sem formaður til eins árs, Þorbjörg Gunnarsdóttir gjaldkeri hafði lokið kjörtíma sínum, hún var einnig reiðubúin að gefa kost á sér áfram og ekki komu fram aðrar tillögur og var hún því sjálfkjörin í stjórn til næstu tveggja ára. Á sama hátt var Jón Finnsson meðstjórnandi einnig sjálfkjörin til næstu tveggja ára.

9.                  Nokkur umræða var um störf nefnda og einstaklinga sem væru tilbúnir að gefa kost á sér til að vinna í nefndum. Ákveðið var að fela stjórn að gera tillögur um mönnun á nefndum og eins gætu félagsmenn sem hefðu áhuga að leggja sitt af mörkum í starfi nefnda verið í sambandi við stjórnarmenn og boðið fram krafta sína.

10.               Önnur mál. Nokkrar umræður urðu um ýmis önnur málefni hestamannafélagsins eins og girðingarmál, veginn niður að hesthúsum ofl. Einnig gerðu stjórnarmenn grein fyrir stöðu framkvæmda við reiðuhöllina og hesthúsið. Í máli þerra kom m.a. fram að eftir er að setja í nokkrar hurðir, búið að kaupa allt efni í það verk og vonandi tekst að ljúka við það sem fyrst. Búið er að setja glugga í hesthús og opnanleg fög. Einnig er búið að innrétta lagnaherbergi inn í hesthúsinu sem þar sem Bjarni Jakobsson rafvertktaki mun ganga frá töflu fyrir alla bygginguna.  Búið er að setja upp 60 stk. flúrlampa í reiðhöllina og ganga frá tengingum að hluta en eftir er að ljúka 2-3 dagsverkum við lagnir og tengingar vegna lýsingu í reiðhöll sem verður farið í á næstunni. Reiknað er með að stofnað verði sérstakt eignarhaldsfélag um Reiðhöllina og hesthúsið sem verður í eigu Hestamannafélagsins og Sveitarfélagsins. Framlag sveitarfélagsins til að ljúka við fokheldi byggingarinnar er um 25 milljónir og eignast þeir hlut í eignarhaldsfélaginu fyrir þá upphæð. Unnið er að því að sækja um endurgreiðslu virðisaukaskatts af efni og vinnu við bygginguna og stefnt er að því þeir fjármunir verða notaðir til að fullgera aðstöðu reiðhallarinnar og til að innrétta hesthúsið, snyrtingar og kaffiaðstöðu. Viðræður standa yfir við sveitarfélagið um fyrirkomulag á rekstri reiðhallarinnar og verður það kynnt fljótlega.

Nokkrar fyrirspurnir og umræður voru um mismunandi gólfefni í reiðhöllum og kosti þeirra og galla. Spurningin er hvernig við getum fundið heppilegt efni sem næst reiðhöllinni til að halda kostnaði í lágmarki. Hins vegar er mikilvægt að vanda vel til verka því gólfið í reiðhöllinni er það sem skiptir einna mestu máli fyrir alla notkun hennar.

Einnig var málefnaleg umræða um heimasíðu félagsins og mikilvægi þess að efla starfsemi síðunar og starfið hjá hestamannafélaginu með ýmsum fréttum og fræðslu.

Fleira var ekki gert, fundarstjóri þakkað fundarmönnum fyrir málefnalegan og góðan aðalfund,  hann bað fundarmenn um að samþykkja að fundarritara og fundarstjóra yrði falið að ljúka við fundargerð og undirrita hana og birta síðan á heimasíðu félagsins.  Að lokum gaf hann Bryndísi formanni orðið og hún tók undir þakkir fundarstjóra um málefnalegan og góðan aðalfund og sagði fundi slitið.

Pálmi Guðmundsson fundarritari                                            Haukur Sveinbjörnsson fundarstjóri